Skv ýmsum fréttum hefur Bjarni Ben gert ýmislegt sem mætti teljast á gráu svæði.
Er hann meðal annars sagður hafa nýtt sér sérstöðu sína og losað um peninga dagana fyrir hrun.
Einnig voru víst einhverjar tengingar við Panama skjölin…
Og ekki hafði þetta afgerandi áhrif á framgöngu hans í pólitík.
Hvernig dettur fólki þá í hug að hann muni segja af sér eftir að hafa mætt í smá teiti á þorláksmessu og ekki notað grímu meðan hann talaði við fólk í jólabubblunni sinni.
Hafa þarf í huga að sökum hversu æðislegur hann er, að eigin sögn, er jólakúlan hans Bjarna eflaust mun stærri en flestra, og þá er ekki talið með þær kúlur sem eru afskrifaðar.
Það eru töluvert meiri líkur á að ég lenti í vandamálum í vinnunni fyrir að skrifa á neikvæðan hátt um Sjálfstæðisflokkinn heldur en að Bjarni segði af sér.
Eðlilegra væri að þeir einstaklingar sem kalla eftir afsögn myndu sjálfir segja af sér störfum, hver svosem þau eru, fyrir skort á rökhugsun.